या अनुदिनीला भेट देणाऱ्या सर्व वाचकांचे मन:पूर्वक आभार.

Friday 2 March 2007

रस्त्यांवरील खड्डेः एक अभ्यास

नाववर्णनसंभाव्य धोके
उलटा गतिरोधकआपला नेहमीचा गतिरोधक असतो ना, त्याला (घट्ट सदरा उलटा करुन काढतो तसे) उलटा केल्यावर हा अंतर्वक्र खड्डा तयार होतो.गतिरोधकावर कधीकधी(म्हणजे मंत्रीमहाशयांचा दौरा होण्याच्या आदल्या दिवशी)चांगले रंगवलेले पट्टे असतात आणि ते दुरुन दिसतातही. पण अंतर्वक्र गतिरोधकावर झेब्रा पट्टे काढणार कसे? 'हा झेंडू मनुष्य इतका सावकाश का जातोय' म्हणून आपण भरवेगात त्याला मागे टाकावे आणि पुढे असलेल्या अंतर्वक्र गतिरोधकाने मणक्यापर्यंत हादरा द्यावा..(पुढचा मनुष्य मूर्ख म्हणून सावकाश जात नव्हता!!) त्यात मनपाने हा गतिरोधक सपाट करण्याच्या दृष्टीने त्यात दगडे अथवा वाळू भरली असली तर दुधात साखर!!खड्डा,खड्ड्यात गेल्यावर त्यातल्या भरावावरुन घसरणे आणि अणकुचीदार दगडांनी दुचाकीच्या रबरचक्राला गुदगुल्या करणे हे रोमांचक अनुभव एकत्र घ्या.
टेंगूळाच्या प्रेमात पडलेला खड्डाक्लियरेसीलच्या जाहिरातीत दाखवतात तसा टेण्या मुरुम(पिंपल हो!) रस्त्याच्या त्वचेवर. आणि या मुरुमाच्या प्रेमात पडून 'मी तुझ्या शेजारी तुला चिकटून बसणार' या हट्टाने खेटलेला खड्डा.नृत्य करणारी रमणी कमरेत लवावी तसा आपल्या पुढचा सारथी अचानक दुचाकी कमरेत लववून हा खड्डा टाळतो. आणि बावरलेले आपण या सारथ्याला (आणि संभाव्य भांडणाला) टाळण्यासाठी करकचून दुचाकीचा गतिअवरोधक दाबतो. 'पुढच्या टेंगळावरुन दुचाकी चढत नाहीये' हा अनुभव घेऊन आपण गति वाढवतो आणि अलगद पुढच्या खड्ड्यात जाऊन पोटातले पाणी आणि आतडी हलल्याचा अनुभव घेतो..
विवर'रस्त्यावर एखादी छोटी उल्का पडली असावी का' अशी शंका निर्माण करणारा गोल आणि खोल खड्डा. या खड्ड्याला सामोरे जाण्याचा एकच उपायः गति कमीतकमी ठेऊन निधड्या छातीने खड्ड्यात जाणे व खड्ड्याच्या अंताला आल्यावर गति वाढवून त्यातून बाहेर येणे.पावसाच्या पाण्याने भरलेल्या खड्ड्यावर हा प्रयोग करु नये. विवर हे अर्ध्या चाकाच्या उंचीइतके असेल किंवा दूरध्वनीच्या कामासाठी खोदलेला महाखड्डाही असेल. (सावधान!पुढे खड्डा आहे! ची पाटी आपण पडल्यानंतर पाण्यात पडलेली पाहून उपयोग नाही.)
पराग खड्डाखड्डे मे खड्डा, पराग खड्डा! मोठ्या व्यासाच्या खड्ड्यात असलेला लहानसा खड्डा.खड्ड्यात पण जायचे, खड्ड्यात गेल्यावर परत लहान खड्डा टाळण्यासाठी हातपाय पण हलवायचे,(हातपाय म्हणजे दुचाकीचे हो! आपले हातपाय हलवून काय उपयोग?) म्हणजे जरा मंद डोक्याला जास्तच ताण झाला. अर्थात दुचाकी दुसऱ्याची असल्यास किंवा दुचाकीचा विमा उतरवला असल्यास घाला बेधडक हर हर महादेव!! म्हणून खड्ड्यात!!
-अनुराधा कुलकर्णी

6 comments:

कोहम said...

chaan Taxonomy aahe. avadali...

Abhijit Bathe said...

पराग खड्डा!

hahahahahaha - I think I am going to get fired now!
Not only have I been reading ur posts for some time now, but I am afraid people are going to wonder why I am laughing so loud!

madhura said...

realistic varnan kelele aahe.
great.

prashant phalle said...

Mazya ajubajuchya cubical madhe sagle kamavar ahet ni me bakavar..
Ani he vachatana ani hasu controlled motion ne baher kadhtana kay tredha tirpit udtey mhanun sangu maharaja...
:)
Topi kadhun tumhala...
[kalala ka..mhanje hats off 2 u ho]

Chinmay 'भारद्वाज' said...

पुणे नगरपालिकेला हा अभ्यास पुरवायला हवा. ते रस्ते दुरुस्त करणार नाहीत पण " सावधान, पुढे पराग-खड्डा आहे" या पाट्या अवश्य लावतिल! :)

टीप -: मी पुण्याचा रहिवासी नाही. पण मागल्या खेपेस पुण्याच्या खड्ड्यांनी माझा चांगलाच पाहुणचार केला.

Hitachintak said...

खड्डे मे खड्डा
खड्डे मे पानी
पानीसे निकली अपनी सवारी :):):)
थोडे आघाडी थोडे पिछाडी

ह ह पु वा